вторник 10 марта
Напярэдадні Дня праваслаўнай кнігі, 10 сакавіка, Кашарская сельская бібліятэка сустракала гасцей. Мерапрыемства было падрыхтавана настаяцелем прыхода храма Святога Духа аг.Дварэц пратаіерэем Уладзімірам Янчэсавым і загадчыкам бібліятэкі Рудкоўскай Наталляй Васільеўнай.
Яны нагадалі прысутным пра беларускага першадрукара і вучонага Францыска Скарыну, які пераклаў для свайго народа кнігі Бібліі, даў магчымасць беларусам пазнаёміцца з галоўным духоўным скарбам ўсяго чалавецтва.
Бібліятэкар прадставіла ўвазе аднавяскоўцаў кнігі праваслаўнай тэматыкі.
Напрыканцы сустрэчы ўдзельнікам мерапрыемства былі ўручаны праваслаўныя календары на 2026 год.
